បាល់ទាត់អន្តរជាតិ
គ្រូ Newcastle ថា គ្រាប់បាល់របស់ Anthony Gordon ល្អណាស់ ដូចជាគ្មានខុសទាស់ត្រង់ណាឡើយ!!!
លោក Eddie Howe បានចែករំលែកអំពីគំនិតនៃការយល់ឃើញរបស់គាត់ជុំវិញគ្រាប់បាល់ដ៏ចម្រូងចម្រាសរបស់ Anthony Gordon នៅពេលដែលក្លឹប Newcastle United របស់គាត់បានយកឈ្នះ Arsenal ជាមួយនឹងលទ្ធផល 1 ទល់នឹង 0 កាលពីរំលងអាធ្រាតម្សិលមិញនេះ។
គ្រូបង្វឹករបស់ក្លឹបកាំភ្លើងធំលោក Mikel Arteta បានខឹងសម្បារជាខ្លាំងចំពោះការសម្រេចចិត្តផ្តល់គ្រាប់បាល់ដល់ Newcastle ព្រោះគាត់ចាត់ទុកថា គ្រាប់បាល់នោះមានកំហុសរហូតដល់ 2 ដង ទីមួយគឺបាល់បានចេញពីក្រៅទីលាន និងមួយទៀតគឺជាការតែតពី Joelinton ដោយរុញលើ Gabriel Magalhaes។
ទោះជាយ៉ាងណា មន្ត្រី VAR បានចំណាយពេលជាង 4 នាទី ដើម្បីធ្វើការឆែកមើល ហើយក៏សម្រេចចិត្តផ្ដល់គ្រាប់បាល់របស់ Anthony Gordon ជាគ្រាប់បាល់ស៊ុតបញ្ចូលទីធម្មតា។ លោក Mikel Arteta មានការមិនពេញចិត្តលើរឿងនេះ ប៉ុន្តែពេលដែលគេបានសួរពីគំនិតរបស់គ្រូបង្វឹកក្លឹប Newcastle លោក Eddie Howe បានប្រាប់ Sky Sports ថា៖ “ខ្ញុំមិនបានឃើញអ្វីក្រៅពីអ្វីដែលខ្ញុំបានឃើញនៅពេលនោះឡើយ។ សម្រាប់ខ្ញុំ វាគឺជាគ្រាប់បាល់ដ៏ល្អ។ ប្រហែលជា Mikel Arteta បានឃើញអ្វីមួយដែលខ្ញុំមិនបានឃើញ”។
ប្រភព: Metro UK
-
បាល់ទាត់អន្តរជាតិ1 day ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ3 days ago
Kroos ប្រាប់ពីវិធីដែល Carlo Ancelotti កុហកកីឡាកររបស់ខ្លួន
-
បាល់ទាត់អន្តរជាតិ3 days ago
សហព័ន្ធកីឡាបាល់ទាត់នៃប្រទេសកាណាដា កំពុងទាក់ទងទៅអតីតគ្រូបង្វឹករបស់ Man United