បាល់ទាត់អន្តរជាតិ
ក្លឹបនៅ MLS របស់អាមេរិច ចាប់អារម្មណ៍ចង់បាន Robert Lewandowski
ក្លឹបនៅ MLS ត្រូវបានគេរាយការណ៍ថា បានចាប់អារម្មណ៍ក្នុងការចុះហត្ថលេខាលើខ្សែប្រយុទ្ធ Robert Lewandowski របស់ Barcelona។ ដោយឡែកកីឡាករវ័យ 35 ឆ្នាំរូបនេះ បច្ចុប្បន្នកំពុងស្ថិតក្នុងរដូវកាលទី 2 របស់គាត់ជាមួយ Barcelona គិតចាប់តាំងពីការផ្ទេររបស់គាត់ពី Bayern Munich មកអេស្ប៉ាញ នៅរដូវក្តៅឆ្នាំ 2022។
យ៉ាងណាមិញ Lewandowski បានក្លាយជាផ្នែកមួយដ៏សំខាន់របស់ក្រុម ក៏ដូចជាខ្សែប្រយុទ្ធកណ្ដាលតែមួយគត់របស់លោក Xavi Hernandez។ រដូវកាលមុន គាត់រកបានគ្រាប់បាល់ 23 គ្រាប់ក្នុងការបង្ហាញខ្លួននៅ LaLiga ចំនួន 34 ប្រកួត និងបានជួយក្លឹបឲ្យឈ្នះពានលីគផងដែរ។
ទោះបីជាគាត់ត្រូវបានគេចាត់ទុកថា ជាខ្សែប្រយុទ្ធសំខាន់របស់ Barcelona ក៏ដោយ ប៉ុន្តែ Lewandowski ត្រូវបានគេជឿថា មានក្លឹបនៅសហរដ្ឋអាមេរិកចាប់អារម្មណ៍ចង់បាន។ យោងតាមរបាយការណ៍ពី TUDN USA បានឲ្យដឹងថា ក្លឹបមួយចំនួននៅ MLS កំពុងចង់ចុះហត្ថលេខាលើកីឡាករសញ្ជាតិប៉ូឡូញរូបនេះ ក្នុងអំឡុងពេលបិទបញ្ចប់រដូវកាលរបស់ LaLiga នៅពាក់កណ្ដាលឆ្នាំក្រោយ។
ប្រភព: Sportsmole
AC Milan ចង់ចុះហត្ថលេខាលើខ្សែប្រយុទ្ធឆ្នើម Ollie Watkins
Marco Verratti ទាក់ទងចង់ផ្ទេរមកចូលរួមជាមួយ Barcelona នៅរដូវក្ដៅនេះ!!!
Barcelona កំពុងរកឱកាសលក់ Ansu Fati និង Lenglet ទៅឲ្យក្លឹបនៅអារ៉ាប៊ីសាអូឌីត
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
