បាល់ទាត់អន្តរជាតិ
បែកធ្លាយ!!! Erik ten Hag ជំទាស់ក្លឹបមិនឲ្យចុះហត្ថលេខាផ្ទេរ Emiliano Martinez និងសម្រេចចិត្តជ្រើសយក Onana ជំនួសវិញ
គ្រូបង្វឹករបស់ក្លឹបបិសាចក្រហម Manchester United លោក Erik ten Hag ត្រូវបានគេអះអាងថា បានច្រានចោលឱកាសក្នុងការចុះហត្ថលេខាលើអ្នកចាំទី Emiliano Martinez របស់ក្លឹប Aston Villa កាលពីដើមរដូវកាលកន្លងទៅ ដោយគ្រូបង្វឹករូបនេះបានសម្រេចចិត្តយក Andre Onana ជំនួសវិញ។
គួររំលឹកផងដែរថា កាលពីរដូវកាលមុន David de Gea បានក្លាយជាអ្នកចាំទីល្អបំផុតរបស់ Premier League ដោយបានឈ្នះស្រោមដៃមាស ប៉ុន្តែក្លឹបបិសាចក្រហមបានសម្រេចចិត្តមិនបន្តកុងត្រាថ្មីលើអ្នកចាំទីអេស្ប៉ាញរូបនេះឡើយ និងបណ្ដោយឲ្យគាត់ចាកចេញដោយគ្មានតម្លៃខ្លួន។ ក្នុងអំឡុងពេលនោះ បិសាចក្រហម បានព្យាយាមស្វះស្វែងរកបេក្ខភាពអ្នកចាំទីថ្មី ហើយត្រូវបានផ្សារភ្ជាប់ជាមួយកីឡាករឆ្នើមៗមួយចំនួនដូចជា Jordan Pickford របស់ Everton, Martinez របស់ Aston Villa និង Andre Onana ជាដើម។
ទោះជាយ៉ាងណា ចុងក្រោយ Man United បានទិញយក Andre Onana ពីក្លឹបអ៊ីតាលី Inter Milan ក្នុងតម្លៃខ្លួន 51 លានអឺរ៉ូ។ ដោយឡែកថ្មីៗនេះយោងតាមសារព័ត៌មាន The Independent បានឲ្យដឹងថា កាលពីដើមរដូវកាលនេះ ថ្នាក់លើរបស់ក្លឹបបិសាចក្រហម បានសម្លឹងមើលដោយចង់ផ្ទេរ Emiliano Martinez ដែលទើបនឹងបានឈ្នះស្រោមដៃមាសក្នុងព្រឹត្តិការណ៍ World Cup ឆ្នាំ 2022។ ផ្ទុយមកវិញ Erik ten Hag បានរារាំងក្លឹបមិនឲ្យទាក់ទងទៅអ្នកចាំទីអាហ្សង់ទីនរូបនេះឡើយ និងឲ្យក្លឹបចុះហត្ថលេខាលើ Onana ដែលជាអតីតកូនក្រុមរបស់ខ្លួនជំនួសវិញ។
ប្រភព: Sportsmole
Barcelona កំណត់គោលដៅត្រៀមចុះហត្ថលេខាលើ Darwin Nunez ដើម្បីមកជំនួសកន្លែងរបស់ Lewandowski
តើ Real Madrid ឈ្នះពានលីកកំពូលរបស់អេស្ប៉ាញ (La Liga) បានប៉ុន្មានដងហើយ? ក្លឹបណា ដែលមានកំណត់ត្រាឈ្នះពាននេះច្រើនជាងគេ?
Messi បង្កើតកំណត់ត្រាថ្មីនៅលីគកំពូលអាមេរិក MLS
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
