បាល់ទាត់អន្តរជាតិ

Bayer Leverkusen ជាក្រុមតែមួយគត់ដែលបន្តកំណត់ត្រាមិនទាន់ចាញ់នៅរដូវកាលនេះ

Published

5 months ago

December 12, 2023

Lee Lee

ក្លឹប Bayer Leverkusen បានស្មើ 1-1 ជាមួយគូប្រកួតរបស់ខ្លួន Stuttgart ក្នុងការប្រកួតជុំទី 14 នៃក្របខណ្ឌ Bundesliga។ លទ្ធផលនេះដែរ បានធ្វើឲ្យពួកគេបន្តកំណត់ត្រាជាក្រុមតែមួយគត់ ដែលស្ថិតនៅក្នុងលីគកំពូលទាំង 5 របស់អឺរ៉ុប ដែលមិនទាន់ស្គាល់បរាជ័យនារដូវកាលនេះ។

បន្ទាប់ពីឆ្លងកាត់ 14 ប្រកួតនៅក្នុងលីគ ក្រុមរបស់លោក Xabi Alonso បានកាន់កាប់កំពូលតារាងរបស់ Bundesliga ដោយមាន 36 ពិន្ទុ។ ក្រុមដែលឈរនៅចំណាត់ថ្នាក់លេខ 2 គឺ Bayern Munich មាន 32 ពិន្ទុ ដោយការប្រកួតចុងក្រោយរបស់ពួកគេបានចាញ់យ៉ាងចាស់ដៃទៅលើ Eintracht Frankfurt ក្នុងលទ្ធផល (1-5)។

មជ្ឈដ្ឋានបាល់ទាត់កំពុងចាប់អារម្មណ៍ជាខ្លាំងជាមួយនឹងការដឹកនាំក្រុមរបស់លោក Xabi Alonso ស្របពេលដែលពួកគេក៏មានឱកាសខ្ពស់ក្នុងការលើកពានលីគនៅរដូវកាលនេះផងដែរ។ Bayer Leverkusen កំពុងស្ថិតក្នុងរដូវកាលដ៏អស្ចារ្យខណៈដែលពួកគេមានកីឡាករឆ្នើមៗមួយចំនួនដូចជា Florian Wirtz, Granit Xhaka និង Jonathan Tah ជាដើម។