Endrick បំបែក​កំណត់ត្រា​ដ៏​អស្ចារ្យ​មួយ​របស់ Pele

ខ្សែ​ប្រយុទ្ធ​សញ្ជាតិ​ប្រេស៊ីល​វ័យ 17 ឆ្នាំ Endrick បាន​បង្កើត​នូវ​សមិទ្ធផល​ដ៏​អស្ចារ្យ​មួយ ដែល​បំបែក​កំណត់ត្រា​របស់​អតីត​វីរបុរស​បាល់ទាត់ Pele។ អំឡុង​ពេល​ប្រកួត​មិត្តភាព​ជាមួយ​ម៉ិកស៊ិកូ ដែល​ប្រេស៊ីល​បាន​យក​ឈ្នះ 3-2 ខ្សែប្រយុទ្ធ​វ័យ​ក្មេង​រូប​នេះ បាន​រក​គ្រាប់​បាល់​បាន 1 គ្រាប់​នៅ​នាទី​ទី 96។

យ៉ាង​ណា​មិញ​គ្រាប់​បាល់​នេះ​ដែរ ជា​គ្រាប់​បាល់​ក្នុង​ការ​​ប្រកួត​ជា​លើក​ទី 3 ​ជាប់​ៗ​គ្នា​របស់​គេ​ដែល​រក​សម្រាប់​​​ក្រុម​ជម្រើស​ជាតិ។ កាល​ពី​មុន​មាន​តែ Pele ប៉ុណ្ណោះ ដែល​អាច​រក​គ្រាប់​បាល់​ស៊ុត​បញ្ចូលទី​ក្នុង​ការ​ប្រកួត 3 លើក​ជាប់ៗ​គ្នា​សម្រាប់​ក្រុម​ជម្រើសជាតិ​ប្រេស៊ីល មុន​ពេល​ឈាន​ចូល​ដល់​អាយុ 18 ឆ្នាំ (ក្នុង​អំឡុង​ឆ្នាំ 1957-1958)។

ប្រភព: Telecomasia