បាល់ទាត់អន្តរជាតិ
Cristiano Ronaldo៖ ខ្ញុំដឹងថា ហេតុអ្វីបានជា Messi ធ្វើបែបនេះ ប៉ុន្តែខ្ញុំនឹងមិនប្រាប់អ្នកទេ!…
តារាឆ្នើម Cristiano Ronaldo ធ្លាប់បានផ្តល់ចម្លើយនៃអាថ៌កំបាំងមួយ នៅពេលសួរអំពី Messi ដែលបញ្ជូនបាល់ប៉េណាល់ទីរបស់ខ្លួនទៅឲ្យ Luis Suarez ហើយរឿងនោះបានកើតឡើងតាំងពីអតីតកាលជាយូរមកហើយ នៅអំឡុងឆ្នាំ 2015-2016 ពេលដែល Barcelona ឈ្នះ 6-1 ក្នុងក្របខណ្ឌ La Liga ទៅលើ Celta Vigo។
ទង្វើររបស់ Lionel Messi ត្រូវបានអ្នកគាំទ្រមើលឃើញថា គាត់ជាមិត្តដ៏ល្អរបស់ជាមួយ Luis Suarez ហើយក៏ជាកីឡាករដែលមិនសូវចង់បានគ្រាប់បាល់ផងដែរ។ ការបញ្ជូនបាល់នៅពេលប៉េណាល់ទីរបស់ Messi នោះ ដូចគ្នានឹង Johan Cruyff ដែលធ្លាប់បានធ្វើផងដែរ ពេលដែលអតីតវីរបុរសបាល់ទាត់រូបនោះលេងនៅ Ajax ហើយប៉េណាល់ទីដោយបញ្ជូនបាល់ទៅឲ្យ Jasper Olsen ជាមិត្តរួមក្រុមរបស់ខ្លួន អំឡុងរដូវកាលឆ្នាំ 1982-83។
ក្រៅពីការពេញចិត្តរបស់អ្នកគាំទ្រជាច្រើន សកម្មភាពរបស់ Messi នៅពេលនោះ ក៏ត្រូវបានអ្នកខ្លះរិះគន់ផងដែរ ដោយចាត់ទុកជាទង្វើដែលមិនបង្ហាញការគោរពចំពោះក្រុមជាគូប្រជែង។ ទោះជាយ៉ាងណាក៏ដោយ Lionel Messi បានជួយឲ្យ Luis Suarez រកបាន Hat-trick នៅក្នុងការប្រកួតពេលនោះ។
ក្រោយមកទៀត Cristiano Ronaldo ក៏ត្រូវបានស្នើឲ្យចែករំលែកពីការយល់ឃើញរបស់គាត់លើអ្វីដែល Messi បានធ្វើ ហើយគាត់បានឆ្លើយតបតាមរយៈ Mirror ថា៖ “ខ្ញុំដឹងថា ហេតុអ្វីបានជា Messi ធ្វើបែបនេះ។ ប៉ុន្តែខ្ញុំមិនប្រាប់អ្នកទេ។ គិតអ្វីដែលអ្នកគិតឃើញចុះ”។
ចម្លើយដ៏ខ្លីនេះ ប្រហែលជាមានមនុស្សជាច្រើនឆ្ងល់ និងមិនយល់ន័យដែល Cristiano Ronaldo ចង់សំដៅឡើយ។ បើយើងចោលភ្នែកក្រឡេកមកមើលឲ្យបានឆ្ងាយពីជ្រុងម្ខាងទៀត ត្រឡប់ទៅរដូវកាល 2015-2016 Cristiano Ronaldo បានប្រជែងគ្នាជាមួយ Luis Suarez ដើម្បីឈ្នះពាន Pichichi ដែលផ្តល់ឲ្យកីឡាករដែលស៊ុតបញ្ចូលទីច្រើនជាងគេនៅ La Liga។ Messi ប្រហែលជាបានព្យាយាមជួយមិត្តរួមក្រុមរបស់ខ្លួនឲ្យឈ្នះពាន Pichchi និងឈ្នះគ្រាប់បាល់របស់ Ronaldo ក្នុងរដូវកាលនោះ ដោយស៊ុតបាន 40 គ្រាប់ ខណៈដែល Ronaldo បានបញ្ចប់ក្នុងចំណាត់ថ្នាក់លេខ 2 ដោយរកបាន 35 គ្រាប់ ហើយ Messi ជាអ្នកឈរលេខ 3 មានគ្រាប់បាល់តិចជាងឆ្ងាយពីកីឡាករទាំងពីរ មានត្រឹម 26 គ្រាប់ប៉ុណ្ណោះ។ ថ្វីត្បិតតែ Cristiano Ronaldo មិនបាននិយាយអ្វីច្បាស់លាស់ តែនេះប្រហែលជាអ្វីដែលគាត់ព្យាយាមចង្អុលបង្ហាញដល់អ្នកគ្រប់គ្នាថា Messi មិនចង់ឲ្យគាត់មានគ្រាប់បាល់ច្រើនជាងគេ និងជាអ្នកឈ្នះពាន Pichichi នាពេលនោះ។
ប្រភព: Sportskeeda
-
បាល់ទាត់អន្តរជាតិ2 days ago
Cole Palmer ក្លាយជាកីឡាករវ័យក្មេងទី 3 ក្នុងប្រវត្តិសាស្ត្រ Premier League ដែលស៊ុតបញ្ចូលទីបានច្រើនជាង 20 គ្រាប់ក្នុងមួយរដូវកាល
-
បាល់ទាត់អន្តរជាតិ1 day ago
ជាប់ពិន័យមិនឲ្យលេងបាល់ទាត់ ពេលនេះ Paul Pogba ត្រៀមបង្ហាញខ្លួនក្នុងខ្សែភាពយន្តថ្មីមួយ
-
បាល់ទាត់អន្តរជាតិ1 day ago
West Ham United ប្រកាសពីការចែកផ្លូវគ្នាជាមួយ David Moyes នាចុងបញ្ចប់នៃរដូវកាលនេះ