បាល់ទាត់អន្តរជាតិ
Aston Villa ឈានដល់កិច្ចព្រមព្រៀងទិញយក Ross Barkley
![](https://x-sportkh.com/wp-content/uploads/2024/06/article-003853-1.jpg)
នៅទីបំផុតក្លឹប Aston Villa ត្រៀមនឹងបង្ហាញពីបេក្ខភាពកីឡាករចំណូលថ្មីដំបូងបំផុតរបស់ពួកគេនៅរដូវក្តៅនេះហើយ។ យោងតាមរបាយការណ៍ពីលោក Fabrizio Romano បានឲ្យដឹងថា ក្លឹប Aston Villa បានឈានដល់កិច្ចព្រមព្រៀងជាមួយ Luton Town សម្រាប់ការចុះហត្ថលេខាផ្ទេរខ្សែបម្រើប្រយុទ្ធដែលមានបទពិសោធន៍ច្រើន Ross Barkley។
តម្លៃនៃការផ្ទេរកីឡាករសញ្ជាតិអង់គ្លេសរូបនេះ ត្រូវបានដឹងថា មានតម្លៃប្រមាណជា 5 លានអឺរ៉ូប៉ុណ្ណោះ តែសម្រាប់ព័ត៌មានលម្អិតនៃកិច្ចព្រមព្រៀងផ្សេងៗទៀតរវាង Ross Barkley ជាមួយ Aston Villa មិនត្រូវបានដឹងនោះទេ។ ការទិញយក Barkley គឺជាការស្នើសុំផ្ទាល់ពីគ្រូបង្វឹកក្លឹប Aston Villa លោក Unai Emery ដែលជាអ្នកមើលឃើញពីសមត្ថភាពរបស់កីឡាករឆ្នើមរូបនេះ។
ក្នុងរដូវកាលមុនរបស់ Premier League ដែលទើបបញ្ចប់កាលពីពេលថ្មីៗកន្លងទៅ Barkley បានចូលលេងចំនួន 32 ប្រកួត ដោយស៊ុតបញ្ចូលទីបាន 5 គ្រាប់ និងបញ្ជូនបាល់ឲ្យមិត្តរួមក្រុមបានចំនួន 4 ដង។ មុនពេលចូលរួមជាមួយ Luton Town ខ្សែបម្រើប្រយុទ្ធវ័យ 30 ឆ្នាំរូបនេះបានលេងឲ្យក្លឹបធំៗមួយចំនួនដូចជា Chelsea, Everton និង Nice។
ប្រភព: Dailysports
-
បាល់ទាត់អន្តរជាតិ4 days ago
UEFA កំពុងស៊ើបអង្កេតលើ Demiral ដែលធ្វើរឿងមិនប្រក្រតីមួយនៅក្នុងការប្រកួតទល់នឹងអូទ្រីស
-
បាល់ទាត់អន្តរជាតិ4 days ago
Real Madrid ចាប់អារម្មណ៍លើខ្សែការពារកណ្ដាលរបស់ក្រុមជម្រើសជាតិអង់គ្លេស Marc Guehi
-
បាល់ទាត់អន្តរជាតិ5 days ago
Chelsea ត្រៀមចរចាផ្ទេរខ្សែបម្រើវ័យក្មេងមួយរូបរបស់ក្លឹប Man City