បាល់ទាត់អន្តរជាតិ
ផ្លូវការណ៍៖ Aston Villa ប្រកាសចុះហត្ថលេខាលើខ្សែបម្រើ Ross Barkley
![](https://x-sportkh.com/wp-content/uploads/2024/07/article-004022-1.jpg)
អតីតខ្សែបម្រើចាស់វស្សារបស់ក្លឹបតោខៀវ Chelsea គឺកីឡាករ Ross Barkley បានចំណាយពេលចុងក្រោយ ពេញមួយរដូវកាលមុននៅក្លឹប Luton Town ប៉ុន្តែក្លឹបមួយនេះ បានធ្លាក់ចេញពីក្របខណ្ឌកំពូលរបស់អង់គ្លេស Premier League ទៅកាន់លីគលំដាប់ទី 2 EFL Championship ទៅហើយ។
ទោះជាយ៉ាងណាក៏ដោយ Ross Barkley នឹងមិនបន្តដំណើរទៅកាន់ EFL Championship ដូចក្លឹបរបស់គាត់នោះឡើយ ព្រោះកាលពីម្សិលមិញ ខ្សែបម្រើវ័យ 30 ឆ្នាំរូបនេះត្រូវបានប្រកាសដោយក្លឹប Aston Villa ថា ពួកគេបានចុះហត្ថលេខាលើ Ross Barkley ជាមួយនឹងកិច្ចព្រមព្រៀងដែលមិនត្រូវបានលាតត្រដាង។
យ៉ាងណាមិញ មិនមានការបង្ហើបឲ្យដឹងថា តម្លៃខ្លួននៃចំនួនទឹកប្រាក់ដែល Aston Villa ផ្ដល់ឲ្យ Luton Town ប៉ុន្មាននោះទេ សម្រាប់ការទិញ Ross Barkley ប៉ុន្តែគេបានប៉ាន់ប្រមាណថា ខ្សែបម្រើរូបនេះមានតម្លៃខ្លួន 5.9 លានអឺរ៉ូប៉ុណ្ណោះ។ គួរដឹងផងដែរថា Ross Barkley ធ្លាប់លេងនៅក្រៅលីគកំពូលនៃប្រទេសអង់គ្លេស តែម្ដងគត់ គឺគាត់បានលេងឲ្យក្លឹប Nice ក្នុងប្រទេសបារាំង ក្នុងរដូវកាលឆ្នាំ 2022-2023។
ប្រភព: Dailysports
-
បាល់ទាត់អន្តរជាតិ4 days ago
UEFA កំពុងស៊ើបអង្កេតលើ Demiral ដែលធ្វើរឿងមិនប្រក្រតីមួយនៅក្នុងការប្រកួតទល់នឹងអូទ្រីស
-
បាល់ទាត់អន្តរជាតិ4 days ago
Real Madrid ចាប់អារម្មណ៍លើខ្សែការពារកណ្ដាលរបស់ក្រុមជម្រើសជាតិអង់គ្លេស Marc Guehi
-
បាល់ទាត់អន្តរជាតិ5 days ago
Chelsea ត្រៀមចរចាផ្ទេរខ្សែបម្រើវ័យក្មេងមួយរូបរបស់ក្លឹប Man City